I helga hadde Venstre landsmøte. Der vart eg vald inn som ein av sju medlemmer i det nye Sentralstyret i Venstre. Det betyr nye utfordringar i ein allereie hektisk kvardag, men er samtidig noko av det mest spennande og utviklande ein kan drive med når ein først brenn for Venstre for politisk arbeid.
Sogn og Fjordane Venstre fekk elles gjennnomslag for ei viktig sak på landsmøtet: Nei til deponering av gruveavfall i norske fjordar. Sjøen er vårt felles matfat - den er for viktig til å bli brukt til avfallsdumping! Dette er ein praksis alle land i verda har gått bort frå unntatt Tyrkia, Indonesia, Papua Ny-Guinea - og Noreg..
Vil du møte meg på Rådhuset denne veka, er det mulig deler av torsdag og fredag. Ta kontakt, så ser vi kva vi får til. Det er også hyggeleg/nyttig om flest mulig følgjer meg på mi opne ordførar-Facebookside (trykk "likar") og følgjer Eid kommune si offisielle Facebook-side.
Ha ei fin veke!
Måndag 7. april