2015: 10 prosjekt som vil fornye Eid

”Den som har begge beina på jorda, står stille”, skriv forfattaren Tor Åge Bringsværd.

Er det noko det ikkje vil gjere i Eid i 2015, er det å stå stille. Knapt nokon gong tidlegare vil fleire utbyggings- og utviklingsprosjekt pågå samtidig i Eid enn i året vi no går inn i.

Så ved inngangen til eit nytt år: Her er 10 prosjekt som vil fornye Eid - med det til felles at dei blir gjennomført heilt eller delvis i 2015.

Oversiktsfoto Eid (privat)

Ikkje mobb distrikta, Per Sandberg!

Ikkje mobb distrikta, Per Sandberg! I 2014 kan du hurtig-lade elbil på Sandane og køyre plug-in hybrid på Stadt med same rekkevidde som ein bensinbil. Vil du ha 1980-talets bilavgifter tilbake, får du finne deg andre sanningsvitne enn moderne bygdemenneske.

Opning av hurtigladestasjon for el-bil på Sandane, 2014 (Foto: SFE)

Avgjerda tatt: Eg tar attval

Har i dag omsider svart nominasjonsnemnda i Eid Venstre på noko dei har masa på svar om lenge (og leiar Gunvald Ludvigsen kan å mase, ver du trygg): 

Eg stiller til attval som ordførar i Eid i 2015.

Kommunereform: Større kommuner - større oppgåver

Den nye Regjeringa har fyrt av startskotet for ein storstilt kommunereform - den fyrste kommunereformen i Noreg sidan 1964. Det er bra, og på høg tid. 

Måten reformen blir starta opp på, er litt meir pussig. Kommunar over heile landet blir no bedt om å ta den "gode nabopraten" med kommunane rundt - for å kome fram til det Kommunalminister Jan Tore Sanner kallar "gode lokale løysingar" for kommunesamanslåing.

Velkomen til Malakoff 2014!

Kjære alle besøkande på Eid 18.-19. juli 2014: Velkomen til eit nytt sommar-rockeeventyr på Nordfjordeid - Velkomen til Malakoff Rockfestival! 

Eid, med 6.000 innbyggarar til dagleg, er stolt av å vere vertskap for ein av landets beste og største rockefestivalar. Eid har vore samlingsplass for folk frå fjern og nær i hundrevis av år. Vi er vande med, og trivst med, liv og røre. Ikkje minst vil du som festivalgjest oppleve ei enorm dugnadsånd. Heile Eida-samfunnet er med å gjere Malakoff til ein festival i særklasse!

Malakoff er i dag kanskje den viktigaste møtestaden for folk i Eid og regionen rundt og ikkje minst for utflyttarar, studentar og andre med tilknyting til staden og regionen.

Like viktig for oss, er det at Malakoff er til stades på Eid gjennom heile året.

Med Eid vidaregåande skule i felles bygg med Operahuset Nordfjord (Noregs einaste operahus utanfor Oslo), Opera Nordfjord, Malakoff Rockfestival og Rockescena Gymmen, har vi skapt eit kraftsenter for kultur, skule og entrepenørskap som få andre stader kan vise maken til. Det er ikkje tilfeldig at Eid vgs i fjor vart kåra av NRK P3 til skulen i landet med best samhald og elevmiljø eller at Eid i år er kåra til den 4. beste skulekommunen i Noreg: Malakoff har ein del av æra for det!

Eid har slagordet "Eid Inviterer". Det er langt meir enn eit slagord. Det er faktisk det vi gjer - også utanom Malakoff-helga. Vi kan tilby fantastiske oppvekstvilkår for barn og unge, spennande næringsliv med ein bu- og arbeidsmarknadsregion på 50.000 rundt oss for deg som er på jakt etter jobb, og natur-, kulturtilbod og opplevingar i særklasse.

Så velkomen til rockehelg på Eid: Nyt det gode liv hos oss - og velkomen tilbake! Eid Inviterer!

Alfred Bjørlo

ordførar i Eid

Vekeplan veke 20/2014

Veka som kjem står i grunnlovsjubileet sitt teikn. Alle ordførarane i heile landet skal samlast i Oslo for å markere jubileet, og ikkje minst lokaldemokratiet sin viktige plass i det norske samfunnet. Ikkje minst ser eg fram til mottaking på Slottet torsdag - det blir ei ny oppleving for min del! (og vil by på ei stor utfordring for min del som den distré personen eg er: Å ikkje surre vekk adgangskortet til Slottet på førehand).

Og så er det sjølvsagt 17. mai-feiring med endå meir på programmet enn vanleg i jubileumsåret - det blir ein festdag for oss alle!

Tale på 8. mai-markeringa på Nordfjordeid 2014

Eid har samanhengande militærtradisjonar heilt attende til 1600-talet fram til i dag. Vi held også tradisjonen med markering av Frigjeringsdagen 8. mai i hevd, på den gamle eksersisplassen som no er eit fantastisk parkområde i Nordfjordeid sentrum (Malakoff/Plassen).  

Årets 8. mai-arrangement var ei felles markering av Frigjeringsdagen, Veterandagen og den internasjonale Røde Kors-dagen. Vi hadde besøk av gjester frå det nederlandske forsvaret og frå Røde Kors i Colombia. Over 120 personar var samla til kransenedlegging på minnesmerket for dei som fall i andre verdskrigen, taler, musikk av Eid Musikklag og sosialt samvere etterpå. Ei flott markering av ein viktig dag!

----

Tale ved markeringa av Frigjeringsdagen, Veterandagen og den internasjonale Røde Kors dagen på Nordfjordeid, 8. mai 2014

Alfred Bjørlo, ordførar i Eid

Vekeplan veke 19/2014

Sist veke vedtok Formannskapet å sende ein ny arealdel av Kommuneplanen for Eid ut på høyring. Det er eit viktig dokument, som skal legge til rette for vekst i bustadbygging og næringsutvikling på EId i åra som kjem, samtidig som andre areal blir sikra mot utbygging.

Dei neste vekene skal planen ut på høyring, mellom anna med opne møte i bygdene i Eid. Eg håpar på god oppslutnad og stort engasjement om desse - tid og stad blir snart gjort kjent!

Vekeplan veke 18/2014

Våren er komen! I helga har det vore ei skikkeleg vår-festhelg på Eid, med Eid Cup i fotball med over 600 deltakarar og festkonsert for Grunnlova i Operahuset Nordfjord i går kveld. 

Vekeplan veke 17/2014

Vel overstått påske! Etter ein grå start vart sjølve påskehelga av dei flottaste i manns minne - det gir energipåfyll og ein god start på våren.

På Eid hadde vi i påska det årlege "Påsketreffet" tysdag i påskeveka - ei rekrutteringssamling for Nordfjord som i år var større enn nokonsinne, med over 40 stands og 300 deltakarar. Svært gode tilbakemeldingar - eg veit til og med om bedrifter som allereie har gitt jobbtilbod til personar dei møtte på treffet, og som ønskte å flytte til Nordfjord. Sjå flotte foto frå Påsketreffet her 

Denne veka skal eg mellom anna setje meg på skulebenken att, og få vere med på ein skuledag ved den nyaste tilveksten til skule-floraen i Eid: Kjølsdalen Montesorriskule. 

Vil du møte meg på Rådhuset denne veka, er fredag den beste dagen. Ta kontakt, så ser vi kva vi får til. Det er også hyggeleg/nyttig om flest mulig følgjer meg på mi opne ordførar-Facebookside (trykk "likar") og følgjer Eid kommune si offisielle Facebook-side.

Ha ei fin veke!

Tysdag 22. april

Kontordag. Diverse interne møte. Møte med Utdanningsforbundet

Onsdag 23. april

Skulebesøk Kjølsdalen Montesorriskule
Oppstartsmøte SMB Utvikling for Eid/Selje/Vågsøy, Nordfjord Vekst

Ettermiddag/kveld: Møte i programnemnda i Sogn og Fjordane Venstre, Florø

Torsdag 24. april

Møte i Arbeidsmiljøutvalet i Eid kommune

Styremøte Nordfjord Vekst (næringsfondsaker)

Fredag 25. april

Bedriftsbesøk
Besøksrunde institusjonane med Lions-tulipanar
Markering av 5-årsjubileet for Operahuset Nordfjord
Kontordag etter kl 13

Laurdag 26. april

Eid Cup (fotball)

Søndag 27. april

Velkomstseremoni for nye statsborgararar, Sogndal

Vekeplan veke 15/2014

I helga hadde Venstre landsmøte. Der vart eg vald inn som ein av sju medlemmer i det nye Sentralstyret i Venstre. Det betyr nye utfordringar i ein allereie hektisk kvardag, men er samtidig noko av det mest spennande og utviklande ein kan drive med når ein først brenn for Venstre for politisk arbeid.