Venstre vil ha et fritt og sterkt kulturliv

Innlegg av Trine Skei Grande (Venstres leder) og Alfred Bjørlo (landsstyremedlem i Venstre og ordfører i Eid). Innlegget står på trykk i Fjordenes Tidende 30/4-12, og er et tilsvar til et innlegg av Arbeiderpartiets stortingsrepresentant Gunn Karin Gjul.

Gunn Karin Gjul (Ap) påstår i Fjordenes Tidende 25. april at Venstre går inn for en “skipsrederstyrt kulturpolitikk”.

Innledningsvis er det verdt å merke seg at en av Aps fremste politikere uten å blunke bruker “skipsreder” som et skjellsord. Det forteller sitt om kulturforskjellene som gjør at Ap sliter med å få tillit på kysten av Vestlandet, og hvorfor Ap er bremseklossen for bygging av Stad Skipstunnel. Men det kan vi ligge i denne omgang. Hovedpoenget er at påstanden er feil.

Venstre vil ikke bruke mindre offentlige penger på kultur, slik Gunn Karin Gjul hevder. Vi ønsker sterk offentlig satsing på kultur, men Venstre vil i tillegg tilføre kulturlivet økt finansiering gjennom å stimulere til at flere bidrar økonomisk – så vel tankskipredere, fiskebåtredere og andre helt vanlige folk, bedrifter og organisasjoner i hele Norge.

Vi mener tiden er overmoden for en “utlufting” i norsk kulturpolitikk. Under den rødgrønne regjeringen har kultursektoren opplevd at stadig flere politiske føringer skal oppfylles for at de skal motta offentlig støtte. Siden 2008 har Kulturdepartementet for eksempel satt krav om holdningsmessige programmer og innholdsproduksjonen til kulturinstitusjonene. Som teatersjef ved Sogn og Fjordane Teater, Terje Lyngstad har sagt det: “Den rødgrønne regjeringen er i ferd med å vanne ut et viktig prinsipp om selvråderetten til kulturlivet”

Arbeiderpartiet har også - i kulturlivet som ellers i sin samfunnsstyring - samlet mer makt på færre hender. Stadig mer av kulturmidlene blir kanalisert gjennom mektige Norsk Kulturråd med hovedsete i Oslo. Samtidig har man endret styringen av Kulturrådet slik at alle rådsmedlemmene pekes ut av Kulturministeren personlig.

Samlet sett er dette alvorlig, og fører tankene til land vi ikke liker å sammenligne oss med. Kulturen skal ikke være statens “talerør” for det som til en hver tid er politisk korrekt. Ingen kulturaktører skal være redde for å miste sin finansiering fordi de taler de som sitter ved makten midt imot.

Venstres mål er en fri, sterk og selvstendig kultursektor. Derfor vil Venstre dreie en del av kulturmidlene over fra direkte støtte til en gaveforsterkingsordning. En slik ordning fungerer ved at en viss andel offentlige penger legges til på toppen når ikke-offentlige givere bidrar til kulturprosjekt. Vårt forslag om gaveforsterkningsordning til museer og biblioteker er allerede tatt godt mot i disse delene av kulturlivet.

En gaveforsterkingsordning og mindre makt til Norsk Kulturråd er starten på en helt nødvendig prosess for å “åpne opp” norsk kulturliv. Vi tror også at det å spre makt bort fra et toppstyrt kulturbyråkrati, ikke akkurat er dårlig nytt for kulturlivet i norske distrikt. For det spleiselags-baserte kultur-Norge, slik vi blant annet ser mange fantastiske eksempel på i Sogn og Fjordane, bør Venstres kulturpolitikk være midt i blinken. 

Frihet, maktspredning og tillit – kombinert med sterk offentlig kultursatsing – er kjernen i Venstres kulturpolitikk.

Vekeplan veke 18

I oversikta under finn du ei grov oversikt over mine planar for arbeidsveka som no tek til. 

Du er velkomen til å besøke meg på kontoret. Avtal helst på førehand pr mail eller sms sidan eg er mykje på farten. Denne veka er det onsdag eg er lettast å treffe på kontoret. Kontaktinformasjon finn du her.

Måndag 30. april

Representatskapsmøte Nordfjord Havn

Arbeid med samferdslesaker (innspel til NTP-høyring og felles samferdslestrategi Nordfjord)

Tysdag 1. mai

Offentleg fridag. Gardsarbeid.

Onsdag 2. mai

Møte med grunderar i hestenæringa og med Norsk Fjordhestsenter

Torsdag 3. mai

Møte med Fjordane Folkehøgskule

Møte med Kontrollutvalet om aktuelle område for forvaltingsrevisjon i Eid

Førebuing av "politikardag" i Eid seinare i mai

Fredag 4. mai

Innspelskonferanse om kultur og næring i regi av VAKN, Operahuset 

Laurdag 5. mai

Helsingstale på Hingsteutstillinga for fjordhest på Nordfjordeid

Wordfeud på nynorsk!

Eid er ei nynorskkommune. For dei fleste i Eid er nynorsk vårt daglege "bruksspråk". Skal det halde fram å vere slik også i framtida, må born og unge få sjanse til å møte nynorsk i kvardagen. Ikkje berre i skuletimane, men også i leik og fritid. Og ikkje minst i vår nye digitale kvardag. 

I går sende difor leiar og nestleiar i nyskipa Eid Målungdom og ordføraren i Eid eit felles brev til Landssamanslutninga for nynorskkommunar (LNK), Noregs Mållag og Noregs Målungdom. Der ba vi dei gjere eit samla framstøt for snarast råd å få på marknaden ein nynorsk versjon av Wordfeud (for uinvidde: Scrabble for smarttelefonar og nettbrett).

Heile brevet kan du lese her:


Nordfjordeid, 27. april 2012

Wordfeud på nynorsk no!

Eid kommune og Eid Målungdom vil be Landslaget for Nynorskkommunar (LNK) ta initiativ til å få på plass ei nynorsk utgåve av spelet Wordfeud så snart råd er.

Wordfeud er eit ordspel a la Scrabble for smarttelefonar. Spelet har det siste året blitt enormt populært i Noreg og er no lasta ned av nær 1 million nordmenn. For mange, særleg born og unge, er Wordfeud eit effektivt og kjekt verktøy å bli betre i språk, ordforråd og rettskriving. 

                                                                                                                                                    

Enno finst ikkje Wordfeud i nynorskversjon. Det gjer at tusenvis av nynorskbrukande born og unge ikkje får bruke eige språk i sin språkleik på nettet. Samtidig vil ein nynorsk versjon av Wordfeud gi born og unge med bokmål som hovudmål ein ny mulighet til å trene seg i å skrive nynorsk. Det ville for mange vere ei kjærkomen avveksling frå den tradisjonelle norskundervisninga på skulen.

Vi trur ein nynorsk versjon av Wordfeud raskt kan bli eit godt hjelpemiddel i norskopplæringa i grunnskulen, uansett om elevane har nynorsk som hovudmål eller sidemål. Det er ein viktig grunn til at vi meiner Landslaget for Nynorskkommunar bør engasjere seg for å få Wordfeud på nynorsk.

Wordfeud er utvikla og eigd av ein norsk programvareutviklar. LNK bør, gjerne saman med Noregs Mållag og Noregs Målungdom, kontakte dei som står bak spelet for å finne ut kva som skal til for å få Wordfeud på nynorsk. Etter det vi er kjent med, vil det i løpet av få månader vere klar ei oppdatert utgåve av Norsk Ordbank for nynorsk. Det er viktig at skaparane av Wordfeud får rask og gratis tilgang til denne nye ordbanken, slik at det kan legge grunnlaget for den nynorske utgåva av spelet.

Vi håpar de ser positivt på brevet vårt, og vil følgje saka opp. Vi brenn for nynorsk som kvardagsspråk! Dess meir barn og ungdom får sjanse til å møte nynorsk i kvardagen, dess lysare ser det ut for nynorsken si framtid. Difor vil ei nynorsk utgåve av Wordfeud vere eit stort steg framover for nynorsken.

Nora Martine Hjelle Strand         Ingrid Skrede                      Alfred Bjørlo

Leiar Eid Målungdom                      Nestleiar Eid Målungdom   Ordførar Eid kommune

Ekstra kjekt er det at vi nesten umiddelbart fekk følgande svar frå dagleg leiar Vidar Høviskeland i LNK: "Tusen takk for godt innspel i ei viktig sak. Me tek utfordringa!" 

Også påtroppande leiar i Noregs Målungdom Vebjørn Stuve, som allereie er sterkt engasjert i saka, har svart oss at han synst dette er eit glimrande initiativ frå nynorskkommunen Eid. 

Vi ventar i spenning på vegen vidare! I mellomtida får vi ha det kjekt med Wordfeud på bokmål... Helsing Alfredjens

Vekeplan veke 17

I oversikta under finn du ei grov oversikt over mine planar for arbeidsveka som no tek til. 

Du er velkomen til å besøke meg på kontoret, men avtal helst på førehand pr mail eller sms sidan eg er mykje på farten. Denne veka er det fredag eg er lettast å treffe på kontoret. Kontaktinformasjon finn du her.

Måndag 23. april

Møte med Eid Industrihus

Møte om satsing på karriereutvikling/karrieresenter i Nordfjord, Stryn

Tysdag 24. april

Bulystkonferansen 2012, Skei

Turnepremiere på teaterstykke om Mathias Orheim, Stårheim kyrkje (kl 19)

Onsdag 25. april

Møte om samferdsle i Nordfjord, Måløy

Møte med Nordfjordeid skule om gymastikk/fysisk aktivitet

Torsdag 26. april

Møte med private barnehagar i Eid

Kommunestyremøte (kl 1300)
Seminar om hest som næringsveg: Korleis gjere hesten lønsam? (kl 18)

Fredag 27. april

Møte/befaringar i samband med kåring av ”Attraktiv stad”

Alle elevar i 8. klasse ved Eid ungdomsskule på besøk på Rådhuset

Laurdag 28. april

Velkomstseremoni for nye statsborgarar i Sogn og Fjordaane, Førde (fleire nye statsborgarar i Eid skal delta i seremonien)

Venstre på trygg grunn

Erling Sande (Senterpartiet), er i eit innlegg i Fjordabladet 19/4 uroa over Venstre sitt landsmøtevedtak om å arbeide for ei ny regjering etter valet i 2013.

Sande må gjerne vere uroa. Personleg er eg langt meir uroa over manglande gjennomslag for viktige felles saker for Venstre og Senterpartiet i dagens Ap-dominerte Regjering. Eg kan ikkje forstå korleis Erling Sande og Sp kan ta på seg å vere garantist for fire nye år med Ap i Regjering, når vi begge veit at Ap sit som ein bremsekloss i dei viktigaste sakene for utvikling av Sogn og Fjordane.

Venstre og Senterpartiet har felles interesser i å få ein langt meir ambisiøs klima- og energipolitikk og betre rammevilkår for små og mellomstore bedrifter, mellom anna gjennom kutt i formueskatt og arveavgift. Vi har felles interesser i å få realisert Stad Skipstunnel og få eit storstilt løft i vegutbygginga i distrikta. Både Venstre og Sp er villige til å tenke radikalt nytt om finansiering av vegutbygging og vegvedlikehald. Vi har også felles interesser i å få spredt makt ned frå staten til lokaldemokratiet, få ein helsepolitikk som tek også folk i distrikta på alvor og i å få til den utflyttinga av statlege arbeidsplassar frå Oslo som har stoppa opp med den raudgrøne regjeringa.

På alle desse avgjerande politikkområda for Sogn og Fjordane er det Arbeiderpartiet som er bremseklossen. Ved valet i 2013 gir difor Venstre eit klart løfte: Vi skal medverke til å gi Ap avløysing frå regjeringskontora, og få på plass ei ny regjering som set folk først og får fart på Noreg. For oss er det dei politiske resultata som tel.

Eg håpar framleis på eit godt samarbeid med Erling Sande og Senterpartiet om ein ny politisk kurs i Noreg etter 2013. Alternativet er at Sp går til val som garantist for fire nye år med ei Ap-dominert Regjering. Akkurat det trur eg ærleg talt verken eg eller Erling Sande ynskjer.

Vekeplan veke 16 - ei spesiell veke

I dag startar rettssaka mot Anders Behring Breivik etter dei ufattelege ugjerningane på Utøya og i Regjeringskvartalet. Det er det største og viktigaste rettsoppgjeret i Noreg etter krigsoppgjeret i 1945.

Tankane denne veka og i vekene som kjem vil vere hos ofra og dei pårørande etter hendingane 22. juli 2011. Ingen av oss er uberørte av det, og ingen av oss skal vere uberørte av det. Vi skal gjere våre daglege gjeremål, men ikkje ha dårleg samvit for å ha hovudet andre stader dessse vekene.

Også i vårt lokalsamfunn er det mange som har vener, familie eller andre nære som var involvert i 22. juli-tragedia på ulike måtar. Mellom anna veit vi at mange unge på Eid kjende Hanne Kristine Fridtun frå Stryn, som var eit av drapsofra på Utøya.

Eg vil oppmode alle om å stille opp for kvarandre i desse vekene, som best vi kan. Det er viktig å ha nokon å snakke med både for born, unge og vaksne i desse vekene.

Vi vil frå Eid kommune si side tilby psykososial oppfølging til dei som måtte ha særskilte behov. Informasjon vil bli lagt ut på Eid kommune sine nettsider.

Uansett: Det er ei hektisk veke som står for døra, også i det "vanlege" livet. Eg legg som vanleg her ut mitt program for veka. Viss du vil ta kontakt direkte om noko, finn du min kontaktinformasjon her.

Måndag 16. april

Presentasjon av opplegg for framtidig fødeteneste i Nordfjord

Førebuing til politiske møte i dagane som kjem i kommune og fylke

Tysdag 17. april

Fylkesting (Hermansverk)

Seminar om korleis lage gode arrangement og festivalar i regi av VAKN (tidleg kveld)

Gruppemøte i Eid Venstre (sein kveld)

Onsdag 18. april

Samling i "Den gode skuleeigar", Balestrand

Møte i Driftsutvalet og Samfunnsutviklingsutvalet i Eid

Torsdag 19. april

Næringslivsamling om samfunnsansvar på Nordfjord Hotell

Møte i Arbeidsmiljøutvalet og Formannskapet i Eid. Blant sakene som skal opp i Formannskapet er to saker om skjerping av beredskapsarbeidet etter uveiret "Dagmar", planstrategi for 2012-16, sak om vidare arbeid med brukryssing Lote-Anda og sak om leigevilkår for frivillege lag av kommunale bygg. Fullstendig sakliste ligg på Eid kommune sine nettsider.

Fredag 20. april

På kontoret - oppfølging av alt som ligg "på vent" etter ei veke fylt av møte..

Nordfjordeid finalist i "Norges mest attraktive stad"

Nordfjordeid er plukka ut til finalerunden i kåringa av ”Statens pris for attraktiv stad 2012”. Nordfjordeid, som er kommunesenteret i Eid, er ein av sju finalistar blant 238 nominerte norske tettstader.

- Dette er gledelege og svært inspirerande nyhende. Attraktive tettstadsmiljø er etter mitt syn heilt avgjerande for vekst og utvikling både av lokalsamfunn og større regionar. Nominasjonen er ei anerkjenning av at Nordfjordeid er ein tettstad med unike kvalitetar som skil seg ut i nasjonal målestokk, seier ordførar i Eid, Alfred Bjørlo (V). Eid har i lengre tid arbeidd systematisk med tettstadsutvikling i samarbeid med Sogn og Fjordane fylkeskommune og bebuarane i sentrum.

Prisen er på 250.000 kroner, blir delt ut av Kommunal- og regionaldepartementet og skal framheve og fremje kommuner som har vist vilje og evne til å skape levande og attraktiv tettstader for å bu, arbeide, drive næring og besøke. Finalistane er plukka ut av ein fagjury leia av forskar Erling Dokk Holm frå Arkitekthøgskolen i Oslo.

Juryen si grunngjeving for å nominere Nordfjordeid er at Nordfjordeid er ein fysisk, velorganisert tettstad som i mange år har satsa på medviten stadutvikling på overordna og detaljert plannivå. Det blir vidare sagt at “.. i motsetning til svært mange andre tettstadar i same skala har Nordfjordeid tettleik og intimitet.”

Den sterke dugnadsånda og kultursatsinga i Eid blir også vektlagt. Juryen seier at “Eit imponerande og verkeleg sjeldant tiltak er bygging av Operahuset Nordfjord og den positive aktiviteten og ringverknadene det fører med seg av trivsel, reiseliv og anna næringsutvikling. Eldsjeler, samarbeid og dugnadsånd er ei drivkraft blant anna i Opera Nordfjord og i Malakoff Rockfestival. Som tettstad i ein kommune med knappe 6000 innbyggarar er Nordfjordeid eit eksempel på kvalitetar som vanlegvis ikkje finst i kommunar av denne storleiken.”

Prisen vil blir delt ut 21. mai. Dei sju finalistane er Asker, Seljord, Ulsteinvik, Levanger, Namsos, Bleik og Nordfjordeid.

Innlegg på Venstres landsmøte 2012

Oslo, 13. april 2012. Innlegg i generell politisk debatt på Venstres landsmøte

Eg skal fortelje dykk ein hemmelighet. Ein ganske godt bevart hemmelighet i dagens raudgrøne Noreg.

Politikk handlar ikkje om å bygge det perfekte systemet.

Politikk er ikkje så komplisert. Politikk handlar rett og slett om folk. Om å gi folk mulighetar til å leve sine gode liv – ulike liv med ulike vegval på ulike stader i landet.

Det er ei sanning som kan det få til å gå kaldt nedover ryggen på ein systemtru sosialdemokrat. Men det er faktisk det det handlar om. Om å sleppe folk til, og gi folk makt og tillit til å ta styring over eigne liv, over eigne lokalsamfunn, over eiga framtid.

Eg er nyvald ordførar i ein del av landet som har vore gjennom ein sår sjukehusstrid, som eg ikkje skal gå i detalj i her. Men ein ting slår meg stadig sterkare. Det som har gjort sjukehussak så vanskeleg handlar ikkje berre om kva avgjerder som er tatt, men minst like mykje om måten avgjerdene er tatt på.

Det vi opplever, er at dei viktige avgjerdene for folks liv og helse er pakka inn i eit ugjennomtrengeleg statleg byråkrati, der ansvar og makt er pulverisert og delegert så langt bort frå folkevald styring som råd. Ikkje med borgarleg ”privatisering” (som visstnok er fælt og vondt), men med sosialdemokratisk ”byråkratisering” (som ser ut til å vere heilt ok). Ja, under den raudgrøne regjeringa kan du gå i fakkeltog for sjukehuset ditt. Men du anar ikkje kven du skal gå i fakkeltog mot.

Kjære landsmøte, folk er ikkje i vegen for politikken. Politikken må vere der for folk si skuld.

Vi må stå opp for asylborna, uansett kor vondt det måtte gjere for statssekretær Pål Lønseth og hans ”perfekte lovverk”.

Vi må stå opp for grunderen som slit med skjemavelde og urimelege skatte- og arbeidstidsreglar, uansett om ho ikkje er beskytta av ein sterk fagorganisasjon som har kjøpt seg plass ved bordet der avgjerdene blir tatt.

Vi må stå opp for kunsten, kulturlivet og frivilligheten sin eigenverdi. Venstre må aldri – aldri – stille krav om at kunst og kultur må ”bygge opp under politiske mål” for å bli verdsett og finansiert.

Og ikkje minst: Vi må stå opp for ein miljø- og klimapolitikk der Noreg går i front og dreg. Norsk klimapolitikk er for meg skrekkeksempelet på kva som skjer når Arbeiderpartiet får rå fritt. Då skjer det mest skumle av alt: Ingenting.

Kjære landsmøte, det er heilt uakseptabelt at ein global klimakvotemarknad blir brukt som unnskyldning for at ikkje Noreg på eigen kjøl skal gjennomføre klimatiltak som monnar.

Ærleg talt: Eg vil ikkje vente med å bygge ei vindmølle i hagen til Jens Stoltenberg har rekna ut at det løner seg på ein global kvotemarknad. Vi kan bli best på fornybar energi. Vi kan bli verdsleiande på miljøteknologi og miljøvennlig grøn industri. Men då må vi ville det. Ikkje leite etter unnskyldningar for å vente.

Mitt tålmod med raudgrøn maktesløyse er oppbrukt. Det er vår tur no. Venstre må vere klar til å ta makt i 2013. Klare til å ta ansvar for å flytte Noreg framover og makta nedover, og til å setje folk først. Godt landsmøte!

Ny nestleiar i Venstre

Venstre er inne i ei spennande tid. Vi har ni år bak oss med samanhengande medlemsvekst. Vi har gjennomført ein offensiv og entusiastisk valkamp i 2011 som ga oss det beste valresultatet på førti år. Vi har eit viktig arbeid føre oss fram mot valet i 2013. Og ikkje minst: Vi har gode kandidatar til nestleiarvervet som skal fyllast på landsmøtet i Venstre 13.-15. april. Til nestleiarvervet treng vi ein energisk, dyktig og framtidsretta kandidat. Difor vil vi støtte Guri Melby som ny nestleiar i Venstre.

Guri er 31 år gamal og har lang røynsle som tillits- og folkevald for Venstre. Ho vart kommunestyrerepresentant i heimkommunen Orkdal som 18-åring, og fullførte to kommunestyreperiodar der før ho vart valt inn i bystyret i Trondheim. Ho var stortingskandidat for Sør-Trøndelag Venstre i 2009 og har møtt i landsstyret sidan 2006. I dag er ho sentralstyremedlem og leiar av Venstre sin stortingsvalprogramkomité.

Guri er allereie i ferd med å bli ein av Venstre sine leiande rikspolitikarar, både internt i partiet og i media. Gjennom debattar, kronikkar og TV-opptredenar har ho synt at ho handterer eit stort spenn av saker - frå pelsdyr til livssynspolitikk, frå born på norske asylmottak til Statoils si etisk tvilsame verksemd i Canada. Samtidig er det innanfor utdanningsfeltet ho har si faglege ballast, med bakgrunn som lektor i vidaregående skule og høgskulelektor ved lærarutdanninga på Høgskolen i Sør-Trøndelag.

Guri er kunnskapsrik, reflektert og slagkraftig. Ho er ein ung, men røynd politikar som står trygt midt i Venstre sin politiske tradisjon. Hennar unge alder, vinnande vesen og breie kompetanse gjer henne til ein utmerka representant for dei unge aldersgruppene der Venstre har høgast oppslutnad. Guri er både stø kurs og eit frisk pust. Vi trur ho er den beste nestleiaren vi kan få. Difor er ho vår kandidat til nestleiarvervet i Venstre.

Signert (i alfabetisk rekkefølgje):

Julie Andersland, gruppeleder for Venstre i Bergen bystyre

Hans Antonsen, ordfører i Grimstad og sentralstyremedlem i Venstre

Alfred Bjørlo, ordførar i Eid og landsstyremedlem i Venstre

Per Elling Braseth-Ellingsen, fylkesleder i Østfold Venstre

Jonas Stein Eilertsen, byråd for næring, kultur og idrett i Tromsø

Maria Serafia Fjellstad, bystyrerepresentant i Harstad

Karin Synnøve Frøyd, nestleder av hovedutvalg for utdanning i Vestfold fylkesting

Eva Kvelland, bystyrerepresentant i Kristiansand og landsstyremedlem i Venstre

Hedvig Johanne Nysæter, medlem i Telemark Venstre

Espen Ophaug, bystyrerepresentant i Oslo

Abid Q. Raja, vararepresentant til Stortinget fra Akershus

Sanna Sarromaa, bystyrerepresentant i Lillehammer

Andreas Skjæret, nestleder i Unge Venstre

Ina Roll Spinnangr, bystyrerepresentant i Trondheim

Trond Åm, fylkesleder i Sør-Trøndelag Venstre