Det var ei rett og slett uforgløymeleg forestilling! Enorme skodespelarprestasjonar, perfekt timing på koreografi, skodespel og sceneskift. Latter og gråt om kvarandre i den sterke historia om eit lite jødisk samfunn som strevar med å overleve i eit fiendtleg verd. Ei historie vi trudde var fortid - men som plutseleg er meir tidsaktuell enn nokon gong i mi levetid.
Det ein har fått til på Eid vidaregåande skule med dei årlege skulemusikalane for heilt "vanleg" ungdom på "vanlege" utdanningsløp både på studiespesialiserande og yrkesfag er heilt unikt. Eg er heilt sikker på at det å legge til rette for kultur og kreative fag i skulen er bra også for dei øvrige skuleprestasjonane - og ikkje minst for sjølvtillit, livsglede og meistringsevne vidare i livet for alle som er med. Dette er "den gode skulen" i praksis!
Sidan eg har kome litt bakpå med kalenderføring, kjem her kalendrane både for dei to vekene vi har bak oss (veke 10-11) og for veka som no står for døra - veke 12.
Vil du avtale ein prat med meg komande veke, er det mulig dei fleste dagar. Ta kontakt, så ser vi kva vi får til. Det er også hyggeleg/nyttig om du følgjer meg på mi opne ordførar-Facebookside (trykk "likar") og følgjer Eid kommune si offisielle Facebook-side.
Ha ei fin veke!
Måndag 2. mars
Kontordag (interne møte)
Møte med tilsetterepr. ved Nordfjord sjukehus
Møte med tilsetterepr. ved Nordfjord sjukehus