Brannen råkar Lærdal-samfunnet direkte, men er også ein alvorleg tankevekkar til alle oss andre til at vi for det første må gjere det som står i vår makt for å førebygge og planlegge for kva vi skal gjere viss slike hendingar først slår inn. Eid har også tett trehusbebyggelse i sentrum. Det er for meg som "fersk" ordførar godt å vite at kommunen har ein ganske ny og godt gjennomarbeidd brannsikringsplan for Eidsgata og Tverrgata, utarbeidd i 2010. I samband med pågåande arbeid med ny kommuneplan vil ROS-analysene bli ytterlegare oppdatert.
Brannen i Lærdal syner også godt kor viktig eit velfungerande lokalsjukehus er når krisa verkeleg set inn. Når 450 personar fekk behandling på lokalsjukehuset i Lærdal i døgnet etter brannen - ca 150 av dei måtte leggast inn! Med eit sentralisert helsevesen der det er 2-3 timars køyring til næraste sjukehus - med nattestengte ferjer på vegen - kan ein berre tenkje seg korleis det ville ha vore for folket i Lærdal, slik brannsjefen i Sogn gir ettertrykkeleg beskjed om til TV2.
Her er samanlikninga mellom Sogn og Nordfjord nærliggande. Det alvoret er viktig å ha med seg inn i ei veke då Nordfjordrådet kjem til å gjere det klinkande klart for Helse Førde at vi vil ha eit skikkeleg, robust Nordfjord sjukehus som er i tråd med nasjonale, faglege tilrådingar om korleis eit lokalsjukehus må vere for å sikre kvalitet, rekruttering og kompetanse ved sjukehuset på sikt. Adm dir i Helse Førde sitt framlegg om å trasse alle faglege råd om korleis eit kvalitetsmessig godt lokalsjuekhus skal vere, har provosert dei aller fleste i Nordfjord siste veka, underteikna inkludert.
Brannen i Lærdal syner også godt kor viktig eit velfungerande lokalsjukehus er når krisa verkeleg set inn. Når 450 personar fekk behandling på lokalsjukehuset i Lærdal i døgnet etter brannen - ca 150 av dei måtte leggast inn! Med eit sentralisert helsevesen der det er 2-3 timars køyring til næraste sjukehus - med nattestengte ferjer på vegen - kan ein berre tenkje seg korleis det ville ha vore for folket i Lærdal, slik brannsjefen i Sogn gir ettertrykkeleg beskjed om til TV2.
Her er samanlikninga mellom Sogn og Nordfjord nærliggande. Det alvoret er viktig å ha med seg inn i ei veke då Nordfjordrådet kjem til å gjere det klinkande klart for Helse Førde at vi vil ha eit skikkeleg, robust Nordfjord sjukehus som er i tråd med nasjonale, faglege tilrådingar om korleis eit lokalsjukehus må vere for å sikre kvalitet, rekruttering og kompetanse ved sjukehuset på sikt. Adm dir i Helse Førde sitt framlegg om å trasse alle faglege råd om korleis eit kvalitetsmessig godt lokalsjuekhus skal vere, har provosert dei aller fleste i Nordfjord siste veka, underteikna inkludert.
Uansett: Slik ser min plan ut for veka. Vil du ha kontakt, finn du kontaktinformasjon til e-post, telefon med meir her. Vi kan også avtale ein prat på Rådhuset på Eid. I veke 4/2014 passar det best onsdag.
Det er også hyggeleg/nyttig om flest mulig følgjer meg på mi opne ordførar-Facebookside (trykk "likar") og følgjer Eid kommune si offisielle Facebook-side.
Ha ei fin veke!
Måndag 20. januar