Vekeplan veke 40

I helga var det premiere på Opera Nordfjord sin 15. opera i rekka: Madama Butterfly. Ei strålande forestilling både for øyre og auge - oppmodar alle om å få det med seg i løpet av dei komande to vekene på Operahuset Nordfjord. Sjekk flotte foto frå stykket her 

På premieredagen laurdag nytta eg høvet til å ha ope ordførarkontor i Eidsgata ved Gamlebanken. Som vanleg både kjekt og nyttig. Det gjekk i eitt med folk innom dei to og ein halv timane eg hadde ope kontor, og eg har laga meg ein eigen "logg" over sakene folk kom med der. Dette vil blir følgd opp i tida framover.

Under finn du ei grov oversikt over mine planar for veka som står for døra, veke 40. Du er velkomen til å besøke meg på kontoret. Avtal helst på førehand pr mail, facebook (har oppretta ein open Facebook-profil som alle har tilgang til) eller sms. Kontaktinformasjon finn du her.

Måndag 1. oktober

Kontordag

Kl 15-17: Markering av eldredagen 2012 i Operahuset

Tysdag 2. oktober

Første møte i Utval som skal sjå på samarbeid og samordning mellom Sivilforsvaret, Heimevernet og Politireserven. Gardermoen/Oslo

Kveld: Gruppemøte Eid Venstre

Onsdag 3. oktober

Skuleleiarsamling for Sogn og Fjordane, Loen

Kveld: Nominasjonsmøte Sogn og Fjordane Venstre

Torsdag 4. oktober

Arrangørnettverk Sogn og Fjordane, Eid

Tiltaksforum Sogn og Fjordane (næringsutvikling - møteplass mellom fylke, kommuner og næringsapparat), Gloppen

Møte i Driftsutvalet i Eid

Fredag 5. oktober

Møte/befaring Vernepleietenesta

Møte/befaring Vaksenopplæringa

Møte/befaring Golvsengane Barnehage

Møte om kyrkjejubileum Stårheim

To møte med næringsaktørar i Eid om nye utviklingsprosjekt